بؤیوگ درد

بو شعری قارداشیمیز غریب قشقایی شیش بیلی طایفاسیندان بیزه گؤندرمیشدیر. شعرین ایملاسینی بیر آز دؤزدمیشم. قریب قشقایی شعرلرینی بو وئبلاگدا اوخیا بیلرسینیز. غریبدن بو شعری بیزه گؤندردیگی ایچی تشککور ائدیرم

بیر بؤیوگ درد دیر اؤلمگین چاغی

تانیمایانگ سن  قره ییدن آغی
ایچمه دینگ می یی، گؤرمه دینگ ساقی
فیکر ائدردینگ کی دونیا وار اولور

چوخ گلدی گچدی آی و گؤن باشدان

چؤللری یاغیش یاش ائددی یاشدان
یاز گلدی،چیخدی یاز گؤلی داشدان
عؤمرونگ قیشیندا، باشینگ غار اولور
 
وورمادینگ داغا، اولمادونگ یاغی
اوتا سالمادینگ  دؤشمنینگ باغی
گؤینونگده قالدی خوش گؤنونگ داغی
یانماسا  ظالم،   دونیا  تار  اولور
 
قاریشدینگ تاتا، مینمه دینگ آتا
ائلینگ آدینی،سن سَدینگ باتا
اللری آچدونگ سن آروق تاتا
جیره خوار اولان، گؤنی دار اولور
 
نه وئردینگ قولاغ، آتانگ سؤزونه
نه باخدینگ یاشلی آنانگ گؤزونه
او کی زهرلی خنجر  ووردی اؤزونه
سن ایدینگ غریب، زخمینگ کار اولور
http://www.qashqaiturk.blogsky.com/1389/06/27/post-97/