* پارلاق گلجه یه گون آیدین
یاز ﮔﯙﻨﯙ... هاوا سووق...!
شاختا کسیر...! سووقدان دیلیم آغزیمدا دولانمیر.
اللریم هاوا بوزلوقوندان آنام ﻫﺅردﯙﮔﯙ الجک ایچینده توتوب !!!
سووقدان بولاغ طبعیمده بوزلویوب... گاهدان قایناییب آخدوقجا
گنه بوزا دونور...
بیر شارکی بولاغ طبعیمده قایناییب ،جوشماق ایستر...
نچه بیر ﺘﯙﻤﯙش اوۉجوما هویخورورام، باشلورام یازغومو
ﺒﺋله یازماغا :
" اوزون بیر یول ... دومان ایچره ایتمیش بیر قارانلیق ﮔﺋجه."
اﺅزﯙم بیر دومان!
دومانلی بیر یوللار...بیر قارانتی و ایتگینلی یوللا ردا گادوم آتورام،
گادوم آتدوقجا ،دومان دومان قۉووشور و قارانلیقلاریلا قول_بویون
اولور تا منی پارلاق گله جه ییمدن یول آزدیرالار ...
ﮔﺅزلریم بو قارانلیق ﮔﺋجه ده بیر اینجه جه ، ایشیللی ین ایشیق
دالینجا دولانیر تاپمیر!
تک بیر ایشیق وار، اودا اﯙره گیمده ، کی قویمور یولوندان آزام ...
اﺋله بو ایشیق ممره سیندن ، آیدینلی ﮔﯙنلر سنه و پارلاق ﮔﯙنلر
اﺅزومه ﮔﺅرﯙرم .
اﺅزومو بیر داردا قالمیش آسلان کیمی، قارتال کیمی ، دوستاق لار
بوجاقاسیندا آسیلی ﮔﺅرﯙرم کی هله ﮔﺅزﯙم دوستاق پاجاسیندان
بیر ایشیقلیق یولو، اوموشدو وار...
آنجاق سنی ده ﮔﺅرﯙرم ، ﮔﯙن بو ﮔﯙن بوی آتیب، بویون آیداندا آشیب
و آیدا اولماقدان ﮔﯙنشه چاتیب...
ﺘﺋللرین ﮔﯙنش ساچاقلاری تک بوتون شافاق لاردا ﺴﯣرولموش و
ﺘﯙم حایاتا ایشیقلیق نعمتی یارادمیش .
ﮔﯙنلر، آیلار ، ایللر گچیر من هله ده ﮔﯣزﯙم دوستاق پاجاسیندان
آسیلی قالیب و ﺘﺋللرین قیبریم قیبریم گوز_ قاشیم اوسته اوزانیب،
داهی هچ بیر یانی ﮔﺅرﻤﯙرم.
بیر آندا ﮔﺅزلریمه بیر زاد تانیش گلیر! هیه تانیشدیر...
بیر قوجاق ﺘﺋللریندن سوﯣرولموش ، ﮔﺅنش ساچاقلاری تک ،
پاجادان ، ﺘﺋللریم دالیندا بیتمیش، گوزومه ساتاشیب و ساتاشدیقجا
قاماشوب و قاماشدوقجک " دومان" اولماقدان " آیازا" دﺅﻨﯙرم و
آیازلیقدا آزادلیق موشتولوقو ﮔﺅرﯙرم...
ﺴﺋووینجکدن آغزیمدا اﺅز اﺅزﯙمله ﺒﺋله دانیشیرام :
" ﮔﺅزﯙن آیدین ... ﮔﺅزﯙن آیدین..."
بو ﮔﯙن او یول ﮔﺅزله دیگیم ﮔﯙندﯙر، " پارلاق گون " ...
تقدیم اولسون عزیز امکداشیما
شارکی چی : "دومان قاراﮔﺅزﻟﯙ_درگزین"