دونیا آنا دیلی گونو بوتون دیل داشلاریمیزا قوتلو و موتلو اولسون

دونیا آنا دیلی گونو بوتون دیل داشلاریمیزا قوتلو و موتلو اولسون

آنا دیلی اینسانلارا ان ایلکین (اووه لییه) کیملیک باغیشلایان عونصوردور. اینسانلار یاشادیخلاری دونیانی آنا دیل لری ایله تانیییب و اوندان ایلگی قورورلار. هر میللتین وارلیغی آنا دیلیسی ایله ایلگیلیدیر. بو گونکو دونیادا هر اینسانا اؤز آنا دیلینده مکتب آچیلماخ و یازیب-اوخوماق حاققی رسمییته تانینماخ اینسانلارین ان ایلکین حاخلاریندان ساییلیر. آنا دیلینین اینسانلارین یاشامیندا او قده ر اؤنمی یوکسکدیر کی یونئسکو ۱۹۹۹-جو ایلده، فئورییه نین ییرمی بیرین (ایسفندین ایکی سین) دونیالیق آنا دیلی گونو ائعلان ائتدی. عئینی زاماندا دؤولتلرده ن ایسته نیلیب کی اؤلکه لرین رسمی دیل لرینین یانیندا، اؤلکه داخیلینده یاشایان باشقا میللتلرین دیللری ده رسمییه ته تانینمالی، بوتون ساهه لرده ایشه گئچمه لی و اونون اینکیشافینا ایمکان یارادیلمالیدیر.

بو گون دونیانین بوتون اینسانلارینا، اؤزه للیکله (مخصوصن) قوتسال اؤلکه میز آزربایجانیمیزدا یاشایان دیل داشلاریمیزا قوتلو و موتلو اولسون. آنا دیلیمیزی قوروماق اوچون بو گونده ن بری، اؤز آنا دیلیمیزده یازیب-اوخوماغی باشلاییب، بیر-بیریمیزه  تورکی کیتاب ایتحاف ائدیب، آنا دیلیمیزین اؤیره نمه و اؤیره تمه سینده چالیشیغیمیزی داها آرتیریب و آنا دیلیمیزه سؤیکنمکله اؤز یوکسک کولتوروموزو (فرهنگیمیزی) یاشادیغیمیز دونیادا یایینلاماغا چالیشاق.

گون گؤروتلری: اودان اودوزانلار و اودوزان اودانلار

آنادیلی گونو ایله اوست اوسته گلن، یوخسا اونون یاخینلیغینا دوشن اویونلار، تیراختور اوچون ائله ده باشاریلی اولماییر! کئچن ایل‌ده کرج‌ده کی اویون‌دا، خاطیره‌لی بیر گونده، توفان قوپدی و تیراختور اوتوزدو، آما بونا سئوینیردیک کی آنادیلی اولدوقجا یئترلی قوتلاندی. بو ایل‌ده انزلی ده ملوان یانداشلاریندان دوخسان دقیقه یامان ائشیتدیک! البته جاوابلاریندا ائله او آن آلیردیلار! سونوج چوخ یاخشی اولمادی آنجاق اشاغی‌دا کی سئچیلمیش گؤروتلری گؤرمک ایله بیلرسینیز کی انزلی‌نین سویوق و یاش ایستادیوموندا آزربایجانلی‌لارین بوتون بؤلگه‌لری گئنه ده تایسیز دایانیشما(انسجام)لارینی گؤستردیلر؛ دئیه‌سن بو ایلین آنادیلی گونو، انزلی‌دن باشلانیب و بیر یئددیجه(هفته) دن سونرا تبریز‌ده سونا چاتاجاق:

http://tiraxtorfans.com/1389-07-20-09-54-05/1532-1389-11-30-21-40-02.html