آساناکلار قشقایی لرین بایاتیلاری

آساناکلار 

 

فال بایاتیلاری 

نیت ائدیب بیرینی اوخویاسیز 

ƒó

آچار اوچار آغلاما                          گلر گچر آغلاما

دری باغلایان تاری                        اوزو آچار آغلاما

ƒó

آغ آت!یالینگ قوربانی                    سبزه خالینگ قوربانی

یاردان منه دانیشان!                        شیرین دیلینگ قوربانی

بی دو نونگ دار داری                      گل ای باشیم سر داری

اوزوموزدن  کوسموشنگ                  قونشوموزدان باخ بری

ƒó

آپاردی چایلارمنی                         هفته لر آیلارمنی

اوکوم قورقوشوم اوکو                       یوردو بو تو یلارمنی

ƒó

آتا اوتانا قوبربان                                            قرشی یاتانا قوربان

گوز اوینادار من باخام                      قاش ـ گوز آتانا قوربان

ƒó

آچار اوچار آغلاما                          گلر گچر آغلاما

دری باغلایان تاری                        اوزو آچار آغلاما

ƒó

آرا دوزده بو دوزده                          کباب یانیر کوز اوسته

قوی منی یاندیرسینلار                     دانیشدیغیم سوزاوسته

ƒó

آراز آراز خان آراز                          سلطان آراز خان آراز

گوز یا شیناباخان یوخ                      قوی توکو لسون قان آراز

ƒó

آرخا لیغینگ بدن یار                       سالانیبان گئده ن یار

سن کی بئله ده ییلدینگ                  سنی بیر اورگده ن وار

ƒó

آرخا لیغینگ تیدشتی                       اینچه بئله دولا شدی

سن منیمنگ من سنینگ                  فالچی بئله فال آچدی

ƒó

آزادگان سرین دوز                         افسیله نن گئدن قیز

سریم یرینگه قوربان                       اینچه بئللی آلا گوز

ƒó

آسماندان گلیر قار                          جارا گل! پروردگار!

بیر یاندان ائل طعنه سی                   بیر یاندان قهر ائدمیش یار

ƒó

آغ آت!یالینگ قوربانی                    سبزه خالینگ قوربانی

یاردان منه دانیشان!                        شیرین دیلینگ قوربانی

ƒó

آغ آلما آلانیب دیر                         سات منه، قیمت آلما

جوانلیق گئدر گلمز                         اوزومو گئری سالما

ƒó

آغ آلما قیزیل آلما                          طاغچایا دوزول آلما

چیرکین آل نجیب اولسون                بد اصیل گوزه ل آلما

ƒó

آغ آلما قیزیل آلما                          طاغچایا دوزول آلما

چیرکین آل نجیب اولسون                بد اصیل گوزه ل آلما

ƒó

آغ آلما قیزیل آلما                          یوللارا دوزول آلما

کاکام سنه قیز وئرمز       دون گئری فضول اولما

ƒó

آغ آلمایی آتار لار                         دیرناق اوسته قاپارلار

نادان اولما آللا نما                         یاری کورپه قاپارلار

ƒó

آغ آلمایی دیشله دیم                      دیشله دیم، گوموشله دیم

هرکی سئودی و ئرمه دیم                 یار! سنه باغیشلا دیم

ƒó

آغاج آتدیم آلما یا                         آلما گویده قالمایا

خدا منی یارا تمیش                        یاریم یارسیز قالمایا

ƒó

آغاج آتدیم ایلانا                           ایلان گویده بولانا

زلفلارینگ شاهمارایلان                  قوی بوینوما دولانا

آغاج آتدیم کپره                            کپردن گول سپره

یئنگی باشدان یارسئودیم                 یوللا دیلار سفره

ƒó

آغاج آتدیم نارگلدی                       کوینک بیچدیم دار گلدی

کو لگه دوشدو قاپی یا                     دئدیم شاید یار گلدی

ƒó

آغاج باشیندا پسته                         تیکیلر مخمل کیسه

حئیفیم گلیر بو قیزا                         یولو دو شموش خبیصه

ƒó

آغاج باشیندا خره ک                       گلدیم و ئرمه دینگ بره ک

وعده میز چشمه باشی                     گل تا بیربیری گوره ک

ƒó

آغاج باشیندا شلوار                         اوغلان اوزونگده خال وار

کاکام سنه قیز وئرمز                       چوک دیزینگ اوسته یالوار

ƒó

آغاج باشیندا قورا                           آللاندیم دوشدوم تورا

بیزی تورا سالانلار                         بی ایمان گئدسین گورا

ƒó

آغاج باشیندا کیشمیش                    ئیتیشمیش یئره دو شموش

آتام سنه قیز وئرمز                         گئد گئری گوزدن در شموش

ƒó

آغاج باشیندا گورجه                        خوش گلدیزبیرجه بیرجه

دونیا جوان اولموشدور                      قیز منه دئمه قوجا

ƒó

آغ اوزده خال اولایدی                    دوداقدا بال اولایدی

نه دئدیم یار اینجیدی؟                    کاش  دیلیم لال اولایدی

ƒó

آغ اوغول های آغ اوغول                 دوداغی قیماق اوغول

وعده میز چشمه باشی                     یاتاغیمیز باغ اوغول

ƒó

آغ تووق اوچدو گئتدی                     قاناتی دوشدو گئتدی

چاغیرینگ قار داشینی                     باجیسی کوچدو گئتدی

ƒó

آغجا قووووغونگ قندی                   دیلیم ـ داماغیم یاندی

اوتلا یایدیم بو کندی                      قیزلار گئتدی توکندی

ƒó

آغ چارغادلی قره قیز                       اوتورزلفینگ دارا قیز

وعده میز چشمه باشی                     یاتاغیمیز هارا قیز؟

ƒó

آغ داغلار یاستی داغلار                  قار گلدی باسدی داغلار

اوچ آی ساز ـ صحبتلی                    دوقوز آی یاسلی داغلار

ƒó

آغ داغینگ تاق تاغیندا                   قوچ ـ قویون یا تاغیندا

بیر گئجه مهمان اولام                     اوزیاریم اوتاغیندا

ƒó

آغ دو نونگ علم علم                      جئبینگده داوات قلم

گئدنده کوسدور موشم                     گلنده گوینونگ آلام

ƒó

آغ دونونگ وارهلله مه                    عشقینگ وورموش کله مه

سن طبیبنگ من بیمار                     تاباشارانگ الله مه

ƒó

آغ دونونگ یوموشام                       سینه مده قوروتموشام

او زونگ بوردا یوخ ایدینگ               آنانگا تاپشیرمیشام

ƒó

آغ ده وه آغساق ده وه                    اوغول تورگئدک اه وه

بو نیجه بیلمز قیز دیر؟                     آروادلی کیشی سه وه

ƒó

آغ ده وه اوکونگ اولسون                 بهبهان مولکونگ اولسون

سن کی سئودینگ، آلما دینگ           لچگیم بؤرکونگ اولسون

ƒó

آغ ده وه دوزده قالدی                     یوکو تبریز ده قالدی

اوغلو درد آپاردی                           دارمانی قیزده قالدی

ƒó

آغ ده وه ریز ده قالدی                    اوکو تبریزده قالدی

اوغول یارالی گئتدی                       دارمانی قیز ده قالدی

ƒó

آغ ده وه قطار گئدر                        زنجیری آتارگئدر

اوغول قیزینگ هجریندن                 اون گئجه یاتار گئدر

ƒó

آغ ده وه نینگ گؤزلری                    یئره گلر دیزلری

اؤزلری اره گئدر                                            بودؤو ره نینگ قیزلری

ƒó

آغ دیر بیزیم لؤکوموز                      هئل دیر، میخک اؤکوموز

یورغان، دؤشک، نازبالیشت               سال تا یاتاک ایکیمیز

ƒó

آغ دیر میلگینگ گلین                     صدف کؤینگینگ گلین

گئدیرم گئری گلدم                         وئردیم مرادینگ گلین

ƒó

آغ دیر میلگینگ گلین                     نه دیر دیلگینگ گلین

قرقیش ائدمه من اؤلده‌م                   گؤینومده قالار گلین

ƒó

آغ قلعه سرین قلعه                        کؤ لگه سی قالین قلعه

خدام نیجه گؤتورر                          من گئدم یاریم قالا

ƒó

آغ قورونونگ چاهیسی                     ایچدیم گالدی یاریسی

من ایچدیم یار ایچمه دی                                اولدو ایلان آغیسی

ƒó

آغ ممه‌م بلور اوغلان                      آغزینگا دولدور اوغلان

زلفلاریم شاهمار ایلان                   ال ده یمه چالیر اوغلان

ƒó

آلا مردشتینگ دوزو                        چاغ اولارقویون قوزو

خدام قسمن ائده ایدی                     سبزه رنگ آلا گؤزو

ƒó

آلما آتدیم نارلیغا                                           گؤونمه بو وارلیعا

وارلیق، گؤزهللیک گئدر                   الینگ دوشر دارلیغا

ƒó

آلما ساتانا قوربان                                          آتان قاپانا قوربان

سن اوردان باخ من بوردان                                قاش ـ گؤز آتانا قوربان

ƒó

آلما وئردیم گلینه                                           گلین آلماز الینه

حئیف اولدوبو گوزه له                      دوشموش نامرد الینه

ƒó

آلدیم باشینگ اوجونو                      هؤردوم ساچینگ دوبونو

اوسا چالار سازینگی                       دوماد چکر نازینگی

ƒó

آمان ـ آمان آیریلیق                      حالیم یامان آیریلیق

آئشیدنده باشیمدان                         قالخیر دومان آیریلیق

ƒó

آمان فلک، داد فلک                       هئچ اولمادیم شاد فلک

ایچیرتدیگینگ شربتدن                   اؤزونگده بیر داد فلک

ƒó

آی آشمار بولوت آشماز                    آی بولوتا قاریشماز

منیم یاریم بوردا یوخ                       منه گؤلمگ یاراشماز

ƒó

آی آیدین دیرآی باتماز                   ایتلری هاردیر یاتماز

ننه سین شاهمار چالسین                  قیزیندان آیری یاتماز

ƒó

آی آیدین دیر ایشیق دیر                 مجمع دولو قاشق دیر

قیز قاش ـ گؤز اویناتما                    اوغلان سنه عاشیق دیر

ƒó

آی آیدین دیر سود تکین                  اوغلان دونونگ چیت تکین

بورالارا توو یئمه                                           اؤلدورورلر ایت تکین

ƒó

آی آیدین دیر گلیرم                       آغ دونوم وار ذلیلم

قیز ننه سی اینن یاتمیش                  من سؤووقدان اؤلورم

ƒó

آیا باخ، اولدوزا باخ                         گلینه باخ قیزا باخ

بیر الینده شورکباب                         بیر الینده دوزا باخ

ƒó

آیا باخ نیجه گئدر                          اؤرگنمیش گئجه گئدر

قیز ممه‌نگ آراسیندان                     بریؤل وار حاجا گئدر

ƒó

آی باتاندا گؤن دمی                        قوروموش آغزیم نمی

اؤزونگ دؤندر بیر اؤپم                     آچیلا گؤزوم دمی

ƒó

آی دولاندی باتماغا                       قیز گل گئدک یاتماغا

منیم الیم اؤرگنمیش                       آغ ممه  اویناتماغا

ƒó

آیریلدیم اؤزلریندن                         او شیرین سؤزلریندن

بیلسه ایدیم آیریلیر                        اؤپردیم گؤزلریندن

ƒó

آی گئتدی باتان یئره                      ملک لر یاتان یئره

عم قیزی قوربان اولسون                  عم اوغلو یاتان یئره

ƒó

آی گئدر باتار ایندی                       نازلی یار یاتار ایندی

لیلی نینگ بازاریندا                        مجنون جان ساتار ایندی

ƒó

آی نورو دوشدو چایا                       جمالینگ بنگزر آیا

جوان عمروم چورودو                       گونلری سایاسایا

ƒó

آییمیز اولدوز اولدو                         گئجه میز گوندوز اولدو

دوغسان دوقوز درد اوسته                 بیرده گلدی یوز اولدو

ƒó

اتر بتر یاندیردی                                            بئلیمی قتر یاندیردی

من بیر یانمیش بنده ایدیم                قیزلر بتر یاندیردی

ƒó

از مه باغریم گؤلنده                        گولنده یار گولنده

عقلیمی باشدان ائتدینگ                  یار گوزومه گیرنده

ƒó

اکین اکیلن یئردن                                         کورزا چکیلن یئردن

اوزونگ دوندر بیر اوپم                     زولفینگ توکولن یئردن

ƒó

الی خینالی یاریم                                           آغیر اوبالی یاریم

اوزونگ دوندر بیر اوپم                     قویما وایالی یاریم

ƒó

الینده بایدا گلین                                            تورموشدو چایدا گلین

آللاه مرادینگ ورسین                     آچیلان آیدا گلین

ƒó

اوبادان باخان گوزل                        یاندیران یاخان گوزل

بیر آز رحم ائیله منه                        ائویمی ییخان گوزل

ƒó

اوباسی کوچدو بوگون                      گدیکدن آشدی بوگون

آغزی سلاملس یاریم                     بی سلام گچدی بوگون

ƒó

اوبا کوچدو یوردوندان                      پاشنا چکدیم آردیندان

ایسیدمیشم اؤلورم                                         قشنگ گزلاز دردیندان

ƒó

اوبا گئدر یول چکر                         اوکوز اکر بئل چکر

اوغول قیزینگ دردیندن                   آغلایاماز آه چکر

ƒó

اوبا میز گدیکده دیر                        گولگز گیلیم اوکده دیر

من اوز یاریم تانیرام                       آشاقکی بولوکده دیر

ƒó

اوتای بوتایا باخار                                          آراسیندان چای آخار

کور اولسون منیم گؤزوم                   سن سیز دنیایا باخار

ƒó

اوتای بوتای بیزیم دیر                     هقیق مرجان دوزوم دیر

بیز کیخایا قیز وئرمک                     کیخا قیزی بیزیم دیر

ƒó

اوتای بوتای نارباغی                       اینچه بئله ساچ باغی

باخماغینان دویمادیم                      آچایدیم یخه نگ باغی

ƒó

اوتای بوتای نارباغی                       اینچه بئله ساچ باغی

اینچه بئلینگ توو وئرمه                   یوخدور اوره گیم تابی

ƒó

اوتایدا اوزوم قالدی                        اوزومده قوزوم قالدی

شاهمار وورموش آناسی                   دئمه دی قوزوم قالدی

ƒó

اوتایدا بیر قوش ایدی                      دیوارا قونموش ایدی

ال ائتدیم قوشودوتام                       اوزیاریم دورموش ایدی

ƒó

اوتایدا خسته کگلیک                      قویروغو دسته کگلیک

وورایدیم سیخه سنی                      یوللایام دوستا کگلیک

ƒó

اوتایدا قوزو گوردوم                        تئلی قیرمیزی گوردوم

آچیلدی جنت باغی                         سئودیگیم قیزی گوردوم

ƒó

اوتایداکی تووادا                                            ایکی قوش بیر یووادا

یاریم آتلانمیش گئدیر                     منی قویموش پییادا

ƒó

اوتایدا گول بوناسی                         گوله بولبول قوناسی

خوب کیشی یه پئس آرواد                  تا دیری دیر یاناسی

ƒó

اوتایدا گول بئشه‌سی                       بویونگ بوغدا خوشاسی

اوزونگ دوندر بیر اوپم                     کوتومرم ایل توشاسی

ƒó

اوتایدا گول بئشه‌سی                       بویونگ بوغدا خوشاسی

جاهال اوغول دول آرواد                  تا عومورو وار یاناسی

ƒó

اوتایدا یار اوباسی                                          دویولور ناغاراسی

یاغلیق گتیر گول آپار                      خلفت دیر باغ آراسی

ƒó

اوتایدا یاتان اوغلان                       کؤینگی کتان اوغلان

آداخلینگ آپاردیلار                        بی خبر یاتان اوغلان

ƒó

اوت گلدی خسیل اولدو                    گون گلدی پسین اولدو

اوزونگ دوندر بیر اوپم                     مرادیم حاصیل اولدو

ƒó

اوجا داغدا قار سویام                       ائل گئده لی یاسلی یام

قشنگ قیزدن ماچ سئودیم                                آلامادیم یاسلی یام

ƒó

اوجا داغدان گلیر سئل                     منی دلی ائدیر سئل

بوقده‌ر نازلی اولما                          من سیز سنی نئدیر سئل

ƒó

اوجا داغدان یول آشار                     قول بوینونگا دولاشار

اوجا بویونگ قوربانی                       هرنه گئیسنگ یاراشار

ƒó

اوجا داغلار اوستویم                       شئیدا قیزلار دوستویام

کلام گتیر آندایچیم                        یار گئده لی یاسلی یام

ƒó

اوجا داغینگ اوجاسی                      گلیر قوشلارینگ سسی

سن کی سئودینگ یارسئونگ            یارینگ بئلی اینچه سی

ƒó

اوجا داغینگ باشییام                       قوچ اوغول یولداشییام

گوزه ل باجیم آغلاما                      گندن گوزونگ یا شییام

ƒó

اوجا یئرده یئرینگ وار                     نه قوجمالی بئلینگ وار

وعده وئردینگ گلمه دینگ               نه یالانچی دیلینگ وار

ƒó

اوخ آتدیم داغا ده یدی                    سولوندان ساغا ده یدی

گوز گوزه له توش اولدو                    دوداق دوداغا ده یدی

ƒó

اوغول بورکونگ چاپید دیر                       مگر بختینگ یاتیب دیر

تا سن گئده نگ مال ییغنگ             قوجا قیزین ساتیب دیر

ƒó

اوغول بورکونگ قره دیر                   مکتب خانانگ هارادیر؟

ننه نگ سوز دئمیشدیر                     جیگر بندیم یارا دیر

ƒó

اوغول حایانگ قوربانی                    سلب سایانگ قوربانی

اوزونگ هئچنه ده ییلنگ                 ائل ـ اوبانگ قوربانی

ƒó

اوغول گئد میش تاقلی یا                 تاقلیدا روو باغلایا

قیز سیخ قویموش اوجاغا                  شیکال باشی داغلایا

ƒó

اوک اوستونده پرده من                    ایندی دوشدوم درده من

دوشمن قبریم قازاندا                       نیجه یاتام گورده من

ƒó

اوک اوستونده حرمی                       اوغول توتما ممه می

اگر تونانگ ممه می                        اویار دارام آنامی

ƒó

اوک اوستونده کپنک                      کپنک پنک پنک

بیر خلفتده اولایدی                        دانیشاک،دئیک،گولگ

ƒó

اوک اوستونده گوی کوزه  کولگه دوندو نرگیزه

دوشمن گوزونگ کور اولسون             یار گئنه دوندو بیزه

ƒó

اوک اوستونده نمکدان                     من دویمادیم دئمکده

بوقاش ـ گوزکی سنده وار                 منی سالار خوره کدن

ƒó

اوک دیبیندن با خان یار                  اوت گوینومه یاخان یار

مگر ننه نگ اولموش دیر                  آچیلمیش دیر یخه نگ یار

ƒó

اوگلن یار اولایدی                         الینده نار اولایدی

ایکی میز بیر کو ینک                      یخه سی دار اولایدی

ƒó

اولگر گئدر یاتماغا                         خوروس دورور اوتمگه

منیم الیه اورگنمیش                        آغ ممه اویناتماغا

ƒó

اولگرلر تارازی لار                         گوینوم وطن آرزی لار

بریدن گل بریدن                                           گوزمه ینگ تا مارزی لار

ƒó

اولگرم آیا بندم                                             چشمه یم چایا بندم

یار گئذه لی یاسلی یام                    حسرتلی وایا مندم

ƒó

اووچی وورار مارالی                        داغدا گزر یارالی

من فلگه نئدمبشدیم                       دوشدوم سندن آرالی

ƒó

ائلچی یم ائله بندم                         بولبولام گوله بندم

گوینومو آلان اولسا                         بیر شیرین دیله بندم

ƒó

ائل گئتدی گردی قالدی                   گون گئتدی زردی قالدی

اوپمه دیم آلا گوزدن                      اوره کده دردی قالدی

ƒó

ائندیم گلدیم پرپردن                       گولگز یا غلیق دالگردن

سن کی سئردینگ                         نییه قویدونگ سر گردان

ƒó

ائندیم گلدیم داغینگدان                   بیرگول اوزدوم باغینگدان

سو دئدیم سو دیله دیم                    نارینجی دو داغینگدان

ƒó 

منبع: آساناکلار (ترانه‌های ترکی قشقایی)ناشر: نخلهای سرخ قیمت ریالی: 10000 قیمت دلاری: 8.14$ قطع: رقعی جلد: شومیز محل نشر: تهران تاریخ نشر: 1380/05/08 نوبت ویرایش: 0 نوع اثر: تالیف زبان کتاب: ترکی نوبت چاپ: 1 تیراژ: 5000 شابک: 964 رده دیویی: 8fa9.

خلاصه کتاب: آنچه در این مجموعه گردآمده, ترانه‌هایی است به زبان ترکی قشقایی که "آساناک" یا "بایاتی" نام دارد. هر مصرع از این ترانه‌ها از هفت هجا تشکیل شده است. این ترانه‌ها گویای بخشی از فرهنگ عامیانه قوم قشقایی است.