شیـرین دیللی آنادان
شاعر:فـرود جهانگیری
گرداورنده:شهرام بدری
شعر بسیار زیبای "شیرین دیللی آنادان" از دوست عزیزم شاعر جوان و گرانقدر اقای
فرود جهانگیری هست
این شعر برای اولین بار توسط ایشون در کنسرت امین اقایی سال 1384 در تالار
حافظ شیراز خونده شد
اقای جهانگیری هم اکنون در بوشهر کارمند اداراه راه هستند و یه کتابفروشی
هم دارند
شیرین دیللی آنادان
عهد ائدمیشم داها عشقدن آز دئیم
مجبور دیلم واری غملی سؤز دئیم
قلم سنده قولاق دوتوب یاز دئیم
محبتلی شیرین دیللی آنادان
اؤزو قشنگ سؤزو بللی آنادان
***
یاز تا دئیم من عرصه ی گلممیش
الفت رنگی صحبت بویی بیلممیش
غنچا گولوم هیچ بولبولا گولممیش
بیر سندینگ منه اؤرگدینگ گولمگی
شادلیقینان محنت فرقی بیلمگی
***
سن ننیمه غونچا گوللر باغلادینگ
نه ذوقونان منی یاخچی ساخلادینگ
آغلایاندا غمگین اولوب آغلادینگ
اویاق چاغی بالیشت ییغیب اوتوردونگ
یادماگ وقتی لالا دئیب یاتیردینگ
***
اول منه آنا دئمگ اؤرگدنگ
شیرین جاندان شکر سمگ اؤرگدنگ
آرام آرام ایچمگ یئمگ اؤرگدنگ
اؤز باغچانگدا گول گؤیردن سنیدینگ
غفلت اوخوسون اؤیاردان سنیدینگ
***
چوخ گئجه لر چیراغ اولدونگ باتمادینگ
یا آی تکین شام تا سحر یاتمادینگ
محبتینگ شمعین خاموش ائدمدینگ
فرق یوخویدو گون و گئجه یانینگدا
یاتماگ فطرت اولموش سنینگ جانینگدا
***
نیچه گون دیر کی من قیشی ساییرام
تا یاز گله بیر دسته گول قاییرام
هر باغچانینگ قونچا گولون آییرام
وئرم سنه منی یاخچی گؤیردن
گؤز یاشینی روان ائدن سوواردان
***
آخان سویانگ بیلمم هاردان آخمیشانگ
ایراق چؤلدن یا داغلاردان آخمیشانگ
ئیردن جوشوب یاکی قاردان آخمیشانگ
فقط سئیرم بیزیم چؤلدن گئدمینگ
ئیر اوزونده روان اولانگ باتمایانگ
***
اوجه داغانگ، هیچ باشینگا ال چاتمامیش
گونونگ چالان دمدن هنوز باتمامیش
تا ایشیقنگ اویاق فرود یاتمامیش
خزان چاغی یاشیل باشینگ من گوره م
باشیم قورام دامانینگدا جان وه رم
***
http://shahrambadri.titrblog.com/post325.php
یاشاسین بختیار منیم یاخچی یولداشیم
ساغ اولانگ
سیزده ساغ اولانگ