تیراختور گؤرونتولری‌نین سئچگینی: بالاجا یانداش

تیراختور گؤرونتولری‌نین سئچگینی: بالاجا یانداش
یاواش یاواش تیراختورون سوروملولاری یؤنه‌تیجی(مربی) و یاخشی اویونچولاری گتیرمک‌ده اؤزلریندن عجیبه غریبه چیخار گؤستریب بیزیم خیالیمیزی راحات ائدیرلر. تاخیمین کئیفیتی یاخشی اولسا یانداش‌دا ایستادیوما گلیب آلقیشلاماق ایچین داها ماراقلی اولار و اؤز گؤره‌وین ایسه اونوتماز. البته سوروملولار بیر باشقا چیخاری‌دا اؤزلریندن گؤسترمه‌لی‌دیر. اؤز فیکیرلرین بئله وئریبلر اویونچو سئچمه‌یه‌کی تیراختورون تبریزده ایلک اوچ اویوندا تاماشاچی‌نین محروم اولماغی‌نی اونودوبلار. بیر اعتراض مکتوبونو یازماغا نه وار کی!؟

اویونلار بیر آی‌دیر قورتاریب و ساغلیقلا(!)، گلن فصل ده اوچ اویوندان محروم اولموشوق. بونا گؤره ده سهند ایستادیوموندان، بو گؤرونتویه تای باخمالی گؤرونتولر هله - هله یاییلمایاجاق. تانری بئله یانداشلاری تیراختور و آزربایجان ایچین ساخلاسین:

ی.س:

بو خانیم قیزین گؤرونتوسو، منی یولداشلارین دئدیگی بیری‌ خاطیره‌سی‌نین یادینا سالدی. او دئییردی کی:

بیلدیر تصادوفی اولاراق ایستیقلال کلوبونون تورک باشقانی، حاجی فتوللازاده‌نی بیر یئر ده گؤردوم. اونا دئدیم:
"بو قدر استقلالا-زادا یئتیشیرسیز، بیر آز دا تیراختور فیکرینده اولون‌ دا".
آما حاجی‌دا جاواب وئردی:
"ایستیقلال-پیروزی‌نین فرقلری وار. بونلار مردمی تاخیملاردیلار آخی."!

اولابیلر حاجی فتوللانین باخیشیندا ایسه، بو بالاجا تاماشاچی‌یا تای اون‌مینلر اوشاق، یوخسا دلی قانلی، گنج و قوجا تیراختور یانداشی، خالق ایچین‌دن چیخماییبلار؛ و آزادی ایستادیوموندا تیراختورچولارا قوناق اولان زورناچی‌لار، "مردم" آراسیندان قاینامیشلار!

آیدین کسائی

anayurdumla.blogspot.com